Trekk Pusten opp i det Blå – Hanne Grete Einarsen (NO)
Framsýning 1 – SÁPMI Søgur
Nýggja framsýningin SÁPMI Søgur byrjar við framsýningini hjá Hanne Grete Einarsen, Sjálvsmynd, sum er partur av hennara langtíðarverkætlan, Trekk Pusten opp i det Blå (Drag Andan upp í Bláan).
Hanne Grete Einarsen, sum eisini verður rópt Snefjordprinsessa, er norskt sámiskt listafólk úr Snefjord (Vesturfinnmørkin í Noregi).
Framsýningin Sjálvsmynd er ein samanrenning av fleiri arbeiðsháttum og mynstrum, sum við bjørtu litunum veruliga standa í andsøgn við dýpið og álvarsemið í upplivingunum hjá listafólkinum sjálvum: sjúku, tilverukreppu, at taka ræði á kroppinum aftur… Trekk Pusten opp i det Blå er ein ófalsað innbjóðing til eyðmýkt og viðbrekni.
Framsýningin Sjálvsmynd hjá Hanne Grete Einarsen verður sýnt fram í Dansistovuni frá 3. til 16. oktober.
Tú kanst lesa meiri um Hanne Grete Einarsen og hennara arbeiði á Instagram og á heimasíðu hennara website.
Les sera góðu greinina hjá Jan-Erik Lundström um langtíðarverkætlanina hjá Hanne Grete Einarsen her.
SÁPMI Søgur
Norðurlandahúsið í Føroyum fer at sýna fram 10 framsýningar í samstarvi við trettan framúrskarandi sámisk listafólk. Framsýningarnar vera frá heysti 2022 til komandi summar 2023. Les meira her.
Tú kanst lesa meiri um framsýningina her.
Fotografur: Marie Louise Somby
Listafólk: Hanne Grete Einarsen
Address
Nordic House - Norðurlandahúsið
Norðari Ringvegur
100 Tórshavn
Tórshavn (capital)