Sum vant verður spenningur í luftini, tá Filmsvirðislønirnar Geytin og Áskoðaravirðislønin verða handaðar. Líkasum undanfarnu árini verður eitt hugnaligt kvøld í Norðurlandahúsinum, har vit fara at vísa filmarnir, sum dómsnevndin hevur valt, skulu verða í kappingini.
Í ár eru vinningarnir á báðum virðisløninum hækkaðar. Runarvíkar Kommuna letur 40.000 kr til Geyta vinnaran, og Tórshavnar Kommuna letur vinnarinum av áskoðaravirðislønini 30.000 kr.
Kringvarp Føroya fer at senda frá tiltakinum, hervið fara tey eisini at vísa filmarnir í sjónvarpinum.
Atkvøðugreislan um áskoðaravirðislønina fer umvegis Sona-appina, so øll kunna atkvøða fyri sínum yndisfilmi, eisini sjónvarpshyggarin. Minst til, at taka SONA-appina niður áðrenn tiltakið byrjar.
Vertur: Finnur Koba
6 filmar eru valdir av dómsnevndini at luttaka í Geytanum 2022. Teir eru:
Sálarkvøl – Eir í Ólavstovu
Ver Her – Maria Winther Olsen
Tokskinnarin – Terji Mohr
Typiskt – Sølvi Næs Hoydal
Steinbíturin – Klippfisk (Dina Fríða Poulsen)
Nonstop – Sølvi Næs Hoydal
Hvør einstakur limur í dómsnevndini er umboðaður av einum filmsyrkisligum felagi ella stovni.
Í dómsnevndini sita:
Rannvá Jónsdóttir (Filmsfelagið)
Hans Petur Hansen (Kringvarp Føroya)
Sakaris Stóra (Føroyskt Filmsfólk)
Tina Wagner (Filmshúsið)
Pætur M. Dahl (Klippfisk)
Altjóða limur í dómsnevndini: Valdimar Jóhannson (Filmsleikstjóri)
Tiltakið verður fyriskipað av Norðurlandahúsinum og Kringvarp Føroya í samstarvi við SONA.